My Diary

مَیں جسے اوڑھتا ' بِچھاتا ہُوں وہ غزل آپ کو سُناتا ہُوں ایک جنگل ہے تیری آنکھوں میں مَیں جہاں راہ بُھول جاتا ہُوں تُو کسی ریل سی گزرتی ہے مَیں کسی پل سا تھرتھراتا ہوں ہر طرف اعتراض ہوتا ہے مَیں اگر روشنی میں آتا ہوں مَیں تجھے بُھولنے کی کوشِش میں آج کتنے قریب پاتا ہوں کون یہ فیصلہ نِبھائے گا مَیں فرشتہ ہُوں ' سچ بتاتا ہُوں  ( دُشَینت کُمار )

دور سے مجھ کو نہ منہ اپنا دکھاؤ جاؤ بس جی بس دیکھ لیا میں تمہیں جاؤ جاؤ اس قدر آمد و شد تم کو ضرر رکھتی ہے دوستاں ہر گھڑی اس کو میں نہ آؤ جاؤ ''جاؤں جاؤں'' ہی جو کرتے ہو تو مانع ہے کون جاؤ مت جاؤ جو جاتے ہو تو جاؤ جاؤ آپ کی آنکھوں سے میرے تئیں ڈر لگتا ہے مجھ ستم کشتہ سے آنکھیں نہ ملاؤ جاؤ تم جہاں جاتے ہو مجھ کو بھی خبر ہے صاحب اپنے جانے کو نہ بندے سے چھپاؤ جاؤ سیر گلشن کو اگر جاتے ہو ہم راہ رقیب بخشو میرے تئیں مجھ کو نہ بلاؤ جاؤ ہم سے کیا منہ کو چھپائے ہوئے جاتے ہو تم ہم نے پہچان لیا منہ نہ چھپاؤ جاؤ آپ کی میری کسی طرح نہ ہووے کی صلح فائدہ کچھ نہیں باتیں نہ بناؤ جاؤ کیا میاں مصحفیؔ یاں جی کے تئیں کھوؤ گے اس کے کوچے سے کہیں رخت اٹھاؤ جائو

سالہا سال اور اک لمحہ اک ذرا سا نہ ان میں بل آیا خود ہی اک در پہ میں نے دستک دی خود ہی لڑکا سا میں نکل آیا

ہے یہ بازار جھوٹ کا بازار پھر یہی جنس کیوں نہ تولیں ہم کر کے اک دوسرے سے عہدِ وفا آؤ کچھ دیر جھوٹ بولیں ہم

نشہ ءِ ناز نے بے حال کیا ہے تم کو اپنے ہی زور میں کمزور ہوئی جاتی ہو میں کوئی آگ نہیں، آنچ نہیں، دھوپ نہیں کیوں پسینہ میں شرابور ہوئی جاتی ہو

عجب تھا اس کی دلداری کا انداز وہ برسوں بعد جب مجھ سے مِلا ہے بَھلا میں پوچھتا اس سے تو کیسے متاعِ جاں! تمہارا نام کیا ہے

قیامت خیز ہیں آنکھیں تمہاری تم آخر خواب کس کے دیکھتےہو

اِس وقت تلاطم خیز ہیں ہم، گردش میں تمہیں بھی لے لیں گے​ اِس وقت نہ تیَر اے کشتئ دل، اِس وقت تو خُود گردَاب ہیں ہم​

میری عقل و ہوش کی سب حالتیں تم نے سانچے میں جنوں کے ڈال دیں کر لیا تھا میں نے عہد_ ترک_ عشق تم نے پھر بانہیں گلے میں ڈال دیں۔۔۔