کر کے اوہدے نال محبت
میں کیتی پامال محبت
اوہدے توں میں ہرنا نئیں سی
کھیڈ گیا اوہ چال محبت
کن وچ مُندراں، پیریں گھنگروَ
کھِلرے ہوئے وال محبت
تِکھیاں سولاں جَر سکنی ایں؟
تاں فیر کُڑیے پال محبت
میں اوس موہڈے نال کھلوتی
جس موہڈے دی شال محبت
سارے رنگ ای کھا جاندی اے
کر کے اکھاں لال محبت۔۔۔۔
سولاں تیکر لے جاندی اےُ
بہتی پھلاں نال محبت
رونا ہوندا اے عمراں دا
رہندی اک دو سال محبت
جیکر سِر توں چُنی لاہوے
چلھے دے وچ بال محبتُ
مانی جین لئے کافی نئیں سی
سُکی روٹی، دال محبت
Comments
Post a Comment