نظم

رات بھر سرد ھوا چلتی رہی

رات بھر ھم نے الاؤ تاپا

مَیں نے ماضی سے کئی خشک سی شاخیں کاٹِیں

تم نے بھی گزرے ہوئے لمحوں ک پتّے توڑے

مَیں نے جیبوں سے نکالِیں سبھی سُوکھی نظمیں 

تم نے بھی ھاتھوں سے مُرجھائے ھوئے خط کھولے

اپنی اِن آنکھوں سے مَیں نے کئی مانجے توڑے

اور ھاتھوں سے کئی باسی لکیریں پھینکِیں

تم نے ۔۔

پلکوں پہ نمی سُوکھ گئی تھی ۔۔۔ سو گِرا دی 

رات بھر جو بھی مِلا  اُگتے بدن پر ھم کو

کاٹ کے ڈال دیا جلتے ھوئے شعلوں میں 

رات بھر پُھونکوں سے ھر لَو کو جگائے رکھا 

اور دو جِسموں کے اِیندھن کو جلائے رکھا 

رات بھر بُجھتے ھوئے رِشتے کو تاپا ھم نے ۔۔۔۔

گلزار ۔۔۔۔۔۔