میں جب بھی اس سے کہتا ہوں !
مجھے تم سے محبت ہے... !
وہ مجھ سے پوچھتی ہے یہ
بتاؤ نا.....! کہ کتنی ہے؟
میں بازو کھول کر کہتا ہوں !
زمیں سے آسماں تک ہے
فلک کی کہکشاں تک ہے
میرے دل سے تیرے دل تک
مکاں سے لا مکاں تک ہے
وہ کہتی ھے، کہ بس اتنی!
میں کہتا ہوں....!
یہ بہتی ہے لہو کی تیز حدت میں
میرے جذبوں کی شدت میں
تیرے امکاں کی حسرت کی
میرے وجداں کی جدت میں
وہ کہتی ہے ....!
نہیں کافی ابھی تک یہ !
میں کہتا ہوں...!
ہوا کی سرسراہٹ ہے
تیرے قدموں کی آہٹ ہے
کسی شب کے کسی پل میں
مجسم کھنکھناہٹ ہے
وہ کہتی ہے یہ کیسے فیل (محسوس) ہوتی ہے؟
میں کہتا ہوں !
چمکتی دھوپ کی مانند
بلوریں سوت کی مانند
صبح کی شبنمی رت میں
لہکتی کوک کی مانند
وہ کہتی ہے ....!
مجھے بہکاوے دیتے ہو؟
مجھے سچ سچ بتاؤ نا
مجھے تم چاہتے بھی ہو
یا بس بہلاوے دیتے ہو؟
میں کہتا ہوں !
مجھے تم سے محبت ہے
کہ جیسے پنچھی پر کھولے
ہوا کے دوش پر جھولے
کہ جیسے برف پگھلے اور
جیسے موتیا پھولے !
وہ کہتی ھے....!
مجھے الو بناتے ہو!
مجھے کیوں اتنا چاہتے ہو؟
میں اس سے پوچھتا ہوں اب
تمھیں مجھ سے محبت ہے؟
بتاؤ نا کہ، کتنی ہے
وہ بازو کھول کے
مجھ سے لپٹ کے
جھوم جاتی ہے !
میری آنکھوں کو کر کے بند
مجھ کو چوم جاتی ہے
دکھا کے مجھ کو وہ چٹکی
دھیرے سے مسکراتی ہے
میرے کانوں میں کہتی ہے
فقط اتنی____ فقط اتنی
Comments
Post a Comment